Новостная лента

Super User

Super User

YUBİLEYİN MÜBARƏK, DAĞISTAN !
26 Янв 2016

Dağıstanın xalq şairi Rəsül Həmzətov “ Mənim Dağıstanım” (“ Moy Dagestan” ) kitabında yazır: “ Od və su –Dağıstanın yarıdılması sazişi altındakı iki imza, iki rəmz. Dağıstan –dağ yeridir, stan  –məkan deməkdir. Dağıstan-dağlar diyarı, dağ –ölkə, dağlı ölkə, dəyanətli ölkə- Dağıstanım mənim...

Əlifba öyrənən şagird kimiyəm,

Dilim topuq çalır, höccələyirəm:

Da –ğıs –tan, Da-ğıs-tan çətin giriyəm

Nə təhər yazıram ? Necə deyirəm? –

Təmiz vicdanımdır, canım-qanımdır,

Dilimin əzbəri – Dağıstanımdır.”

1920-ci ilin 14-noyabrında Dağıstan xalqlarının Birini fövqəladə qurultaya çağırılıb. Qurltayda  RSFSR  hökuməti  adından Stalin danışıb. O dağlar ölkəsi Dağıstana muxtariyyət elan edib. Təzə ad, təzə tale, təzə yol. Dağıstan təqvimlərində qırmızı rənglərlə qeyd olunub.

            Bundan bir az sonra  1921-ci ildə, Moskvada  özünün Kremldəki kabinetində Dağıstanın nümayəndə  heyətini Lenin qəbul edir.  Uzun sürən unudulmaz söhbətindən sonra dağlıların xahişi ilə Lenin onlara öz fotoşəkilini yazıb bağışlayır: “ Qızıl Dağıstan üçün ”. Ən qiymətli hədiyə...

            O vaxtdan 95 il keçir. Zaman deyişdikcə həyat da deyişib. Dağıstan respublikası abadlaşıb, gözəlləşib, yaraşıqlı olub, səliqə -sahmanlı, xeyir -bərəkətli diyara çevrilib. Xalqı da artıb, üç milyonu keçib. Şöhrətinin əks - sədası uzaq-uzaq ellərdən gəlir.

            Bu gün Dağıstanda onlarla xalq mehriban şəraitdə yaşayır.  Hər bir millətin dili, dini, adı vardır.

           Yubileyin mübarək Dağıstan.

                                                                                                                      Tahir Saleh   

 

 

 

Dərbəndlilər  Kadırovu dəstəkləmək üçün küçələrə çıxdı
25 Янв 2016

Bu günlərdə Qroznıda Çeçenistan rəhbəri  Ramzan Kadırovu və Rusiya prezidenti Vladimir Putini dəstəkləmək üçün mitinq keçirilirmişdir. Qroznı sakinləri mərkəzi meydanda “Çeçenistanın qəlbi” məscidinin qarşısında toplaşmışlar. Mitinqin təşkilatçısı Çeçenistan Respublikasının Həmkarlar İttifaqı (ÇRHİ) olmuşdur.

“Mitinq iştirakçıları Rusiya prezidenti Vladimir Putinə, Çeçenistan respublikasının rəhbəri, Rusiya qəhrəmanı Ramzan Kadırova ölkəyə düşmən qüvvələr ilə mübarizədə göstərdikləri səylərə görə öz dəstəklərini bildirmək və bütün sağlam qüvvələri Rusiya rəhbərliyi ətrafında toplaşmağa və son zamanlar Rusiyaya qarşı tammiqyaslı informasiya müharibəsi aparan, destruktiv qüvvələrin informasiya aqressiyasına qarşı bir cəbhədə çıxış etməyə çağırmaq üçün toplaşıblar”, - ÇRHİ-nin bəyanatında deyilir.

 İnformasiyaya  görə, mitinqdə milyona yaxın adam iştirak etmişdir.

Qeyd etmək lazımdır ki, Dərbənd sakinləri də bu aksiyaya qoşulmuşdur. 

                                                                                                                                                                                        Telman Tahirli

 

Rusiya-Azərbaycan şirkəti Dağıstanda istixanalar inşa edəcək
21 Янв 2016

 “Aseraaqromir” MMC Rusiya-Azərbaycan şirkəti və Dağıstan Respublikası Hökuməti əməkdaşlıq haqqında niyyət sazişi imzalayıblar.

Dağıstanın Baş naziri Abdusamad Həmidov deyib: “Dağıstan iqtisadiyyatı yetərincə uğurla inkişaf edir. Vəzifəmiz təkcə bu tempi saxlamaq deyil, həm də istehsalı genişləndirməkdir. Odur ki, biz qardaş xarici ölkələr ilə birgə investisiya layihələri həyata keçirməyə hazır olmalıyıq. Bu gün biz Azərbaycan tərəfi ilə birgə layihəni uğurla həyata keçirmək, habelə xalqlarımızın firavanlığı naminə bundan sonra da əməkdaşlıq etmək üçün tədbirlər görmək niyyətindəyik”.

Abdusamad Həmidov sərmayədarları əmin edib ki, Dağıstan tərəfi birgə işin ilkin mərhələsində zəruri sənədlər paketinin keyfiyyətlə hazırlanmasını təmin etməyə hazırdır.

Baş nazir deyib: “İstixana istehsalatı aqrar-sənaye sektorunun inkişafında prioritet istiqamətdir. Artıq son iki ildə Dağıstanda ciddi istixana təsərrüfatları şəbəkəsi yaradılıb. Rusiyada ərzaq təhlükəsizliyi doktrinasının təsdiq edildiyi bir vaxtda aqrar respublika kimi əsas vəzifəmiz aqrar-sənaye kompleksinin inkişafı istiqamətində səyləri daha da fəallaşdırmaqdır”.

“Aseraaqromir” MMC-nin prezidenti Fərid Xəlilov əməkdaşlığa hazır olduğuna görə Dağıstan hökumətinin Başçısına təşəkkürünü bildirərək deyib: “Şirkətimiz istixana inşaatı bazarında təqribən 9 ildir fəaliyyət göstərir. Özü də təkcə Azərbaycanda yox, başqa ölkələrdə də. Biz tam gücü ilə işləyən, təqribən 170 hektar ərazini əhatə edən müasir istixana kompleksləri inşa etmişik. Bu komplekslərin hamısına aqronomik xidmətlər göstərilir. İstixanalar ilk növbədə beynəlxalq standartlara cavab verməlidir. Yalnız o zaman çox məhsul verə bilər. “Aseraaqromir” Rusiya-Azərbaycan şirkəti beynəlxalq səviyyəli istixanalar inşa etmək niyyətindədir. Biz “YuqAqroHoldinq” şirkəti ilə birlikdə artıq birinci sifarişi icra etməyə başlamışıq. Rusiya Federasiyası subyektlərinin digər şirkətləri ilə də müvafiq müqavilələr imzalanıb”.

F.Xəlilov Dağıstan ərazisində metal konstruksiyalarının istehsalı üzrə zavodun tikildiyini də xatırladıb. Şirkət bu zavodu 2016-cı ilin sonunda işə salmaq niyyətindədir. Bu istehsalat istixana layihələrini 30 faizə qədər ucuzlaşdıracaq.

Dağıstanın Baş naziri bu məsələyə öz münasibətini bildirərək deyib: “Bu, nəinki istixana istehsalatını ucuzlaşdıracaq, həm də əlavə iş yerlərinin yaradılmasını və vergilərin daxil olmasını təmin edəcək”.

 

MÜŞAVİRƏ   KEÇİRİLMİŞDİR
21 Янв 2016

Bu günlərdə  DR Hökuməti sədrinin müavini,  DR  iqtisadiyyat  və  ərazi inkişaf naziri Rayudin Yusufov  Dərbənd şəhərində ictimai-iqtisadi inkişafı məsələləri üzrə müşavirə keçirmişdir. Müşavirədə  DR  Başçısının cənub ərazi dairəsində səlahiyyətli nümayəndəsi Əli Xasbulatov, Dərbənd şəhərinin başçısı Məlik Baqliyev, “ Dərbənd-2000” müəssisəsinin rəhbəri Əli Nurməhəmmədov,  respublika nazirliklərin  və idarələrin nümayəndələri, Dərbənd  və Məhərəmkənd  rayon  administrasiyalarının nümayəndələri iştirak etmişlər.

R. Yusufov söhbətində qeyd etmişdir ki, “Dərbənd-2000”  yubiley tədbirləri  19 sentyabrda  bitmədi,  bayram tədbirləri  2018-ci ilə qədər davam edəcək.  Hansı tədbirlər keçirələcək? Hansı prioritetli olacak?  Həmçinin tədbirlərin  maliyyələşdirilməsi  respublika rəhbərliyindən və  Dərbənd şəhər administrasiyasından asılı olacaq. Dərbənd şəhərini   bu  vəziyyətə  gətirib çıxarmaq üçün keçən il çox faydalı iş görülmüşdür. Şəhərin  14 küçəsi  və 4 parkı  abadlaşdırılmış, Narınqalada restavrasiya işləri görülmüşdür.  DR baş nazirin müavini  həmçinin bildirmişdir  ki, RF prezidenti Vladimir Putin  və  keçən il noyabr ayında Dərbənddə səfərdə olan    RF  Hökumətinin sədri Dmitri Medvedev yubiley ərəfəsində   görülən  işlərə görə yüksək qiymət vermişlər.

Bu günləri DR Başçısı R. Abdulatipov və  DR Hökumətinin sədri A. Həmidov  Dərbənd şəhər başçısının və bütün  icra hakimiyyət orqanların qarşısında dərbəndlilərin rahat həyatlarını yaşamaları üçün hər şəraiti yaratmağa tapşırıqlar vermişlər.

Rayudin Yusufov  “Dərbənd-2000” müəssisəsinin rəhbəri Əli Nurməhəmmədovdan  təcili sürətdə şəhərin yubiley ərəfəsində yenidən qurulan obyektləri  şəhər administrasiyasının qeydiyyatına salmasını tələb etmişdir.

 

Dağıstanın başçısı  Ramazan Abdulatipov Azərbaycanın Rusiyadakı səfiri Polad Bülbüloğlu ilə görüşüb. Polad Bülbüloğlu Dağıstana SSRİ Xalq Artisti, bəstəkar Murad Kajlayevin 85 illik yubileyinə həsr olunmuş təntənəli tədbirlərdə iştirak etmək üçün gəlib.

Ramazan Abdulatipov görüşdə qeyd edib ki, təkcə Dağıstanda və Rusiyada deyil, bütün dünyada məşhur olan görkəmli bəstəkar Murad Kajlayevin 85 illik yubileyi respublikanın mədəni həyatında mühüm hadisədir. “Sevindirici haldır ki, bu böyük bayram Azərbaycan üçün də bayramdır”. R.Abdulatipov xüsusi vurğulayıb ki, Mahaçqalada Əziz Əliyevə abidə ucaldılması ilə bağlı işlər aparılır. Burada onun adını daşıyan meydan da olacaq. Respublikanın başçısı  Dərbəndin 2000 illiyi şərəfinə yubiley tədbirlərinə hazırlıq işlərinə Azərbaycanın töhfəsini razılıq hissi ilə qeyd edib. “Heydər Əliyevin adını daşıyan küçə tamamilə yenidən qurulub, bu barədə Rusiya Prezidenti Vladimir Putinə məlumat verilib”, - deyən R.Abdulatipov daha sonra əlavə edib ki, Azərbaycan ilə Dağıstanın əməkdaşlığı bundan sonra da davam edəcək. Dərbənddə Olimpiya İdman Mərkəzi və Azərbaycan Musiqili Dram Teatrının binası tikiləcək.

Dağıstanın rəhbəri qeyd edib ki, Polad Bülbüloğlu Dağıstan sakinlərinin nəzərində təkcə Azərbaycanın səfiri deyil, Azərbaycanın və Dağıstanın ən görkəmli, ən istedadlı mədəniyyət xadimlərindən biridir. Ramazan Abdulatipov səfirə müraciətlə deyib: “Siz istər Dərbənddə, istərsə də Kremldə çıxışlarınızda bizim dostluq münasibətlərimizi bir daha vurğulayırsınız. Bu gün dövlətlərimiz arasında bütün səviyyələrdə əməkdaşlıq aparılır, bu əməkdaşlıq daha da güclənəcək və davam edəcək”.

Polad Bülbüloğlu isə öz növbəsində bildirib ki, Azərbaycan Prezidenti İlham Əliyevin Sərəncamı ilə Murad Kajlayev Azərbaycanın “Dostluq” ordeni ilə təltif edilib. Diplomat deyib: “Bu, bizim ölkənin ən yüksək təltiflərindən biridir. Prezident İlham Əliyev Murad Kajlayevin soy-kökünə yaxşı bələddir. O, Kajlayevə çox səmimi təbrik məktubu göndərib”.

Səfərin sözlərinə görə, Azərbaycanda Murad Kajlayevi yaxşı tanıyır və xatırlayırlar, çünki o, Bakıda yaşayıb, böyük bəstəkar, Azərbaycanın və SSRİ-nin Xalq Artisti Qara Qarayevin şagirdi olub.

Polad Bülbüloğlu Dağıstan ilə Azərbaycan arasında yaranmış möhkəm iqtisadi, mənəvi və mədəni əlaqələri, habelə son illərdə R.Abdulatipovun rəhbərliyi ilə Dağıstan Respublikasında baş verən müsbət dəyişiklikləri də vurğulayıb. Səfir xüsusi qeyd edib ki, bu gün Dağıstanda həyata keçirilən layihələr respublikanın uğurlu inkişafının rəhnidir.

Diplomat məmnunluqla bildirib ki, Hökumət Evinin dəhlizindən keçərkən orada respublika rəhbərlərinin portretləri arasında Əziz Əliyevin də portretini görüb. Polad Bülbüloğlunun fikrincə, bu fakt Dağıstan sakinlərinin bu siyasi xadimin xidmətlərinə səmimi münasibətinə dəlalət edir. Səfir deyib: “Siz Əziz Əliyevin Dağıstanın rəhbəri olması faktını Dərbənddə, bu şəhərin 2000 illik yubileyinə həsr edilmiş təntənəli tədbirdəki çıxışınızda da qeyd etdiniz. Bu məqam Azərbaycan xalqı arasında müsbət reaksiya doğurub. Dağıstan bizim ən yaxın qonşumuzdur və məşhur bir məsəldə deyildiyi kimi, yaxın qonşu uzaq qohumdan daha yaxşıdır. Xalqlarımız arasında, xüsusən ziyalı və yaradıcı insanlar arasında həmişə qardaşlıq və dostluq münasibətləri olub. Uzun müddətdir ki, bizim yaradıcı kollektivlər təcrübə mübadiləsi aparırlar. Xüsusi vurğulamaq istəyirəm ki, Siz Dağıstana rəhbər təyin ediləndən sonra çoxsaylı mədəni və humanitar proqramlar həyata keçirilməyə başlanıb. Bu, çox sevindirici haldır”.

 

Bu günlərdə Rusiya Federasiyasının (RF) Təhsil və Elm Sahəsində Nəzarət üzrə Federal Xidmətinin sədri Sergey Kravtsov və RF-nin Dağıstan Respublikasının təhsil və elm naziri Şaxabas Şaxov   Bakıda  səfərdə olmuşlar. Nümayəndə heyəti  Azərbaycan Respublikasının Təhsil naziri Mikayıl  Cabbarovla   görüşmüş.

Təhsil Nazirliyindən  bildiriblər ki, görüşdə M.Cabbarov Azərbaycan ilə Rusiya arasında təhsil sahəsində əməkdaşlığın dinamik inkişaf etdiyini bildirib, RF-nin təhsil və elm naziri Dmitri Livanovun ötən ilin noyabrında Azərbaycana  səfərinin əhəmiyyətini diqqətə çatdırıb.

Görüşdə, eyni zamanda, Azərbaycanda və Rusiyada təhsil sahəsində aparılan islahatlar, bu sahədə əməkdaşlığın genişləndirilməsi, təhsil müəssisələrinə nəzarət və təhsilin müxtəlif səviyyələrində təhsilalanların biliyinin qiymətləndirilməsi istiqamətində qarşılıqlı təcrübə mübadiləsi və digər məsələlər barədə müzakirələr aparılıb.

 

 

 

Rusiya prezidenti əla formadadır.

Rusiya prezidenti Vladimir Putin Rusiyanın  cüdo üzrə Olimpiya yığması ilə məşq keçirib.

 Məşq prosesi Soçidə “Cənub İdman” hazırlıq mərkəzində təşkil edilib.

Rusiya prezidenti ilk növbədə cüdo üzrə RF yığmasının baş məşqçisi Etsio Qambanın köməyi ilə bəzi fəndləri yerinə yetirib.

“Bu adi dost məşqi idi, və Putinə məğlub olmaq barədə heç bir söz ola bilməz”, - Olimpiya çempionu Kamal Xan Məhəmmədov   deyib. O qeyd edib ki, Rusiya prezidenti əla formadadır. 

Dekabrın 26-da Bakıda “Dərbənd” xeyriyyə cəmiyyəti görkəmli dövlət xadimi Əziz Əliyevin xatirəsinə həsr olunan anım tədbiri təşkil edib.

AZƏRTAC xəbər verir ki, “Dərbənd” xeyriyyə cəmiyyəti sədrinin birinci müavini, tarix elmləri doktoru, ehtiyatda olan birinci dərəcəli kapitan Nurulla Əliyev tədbirdə məruzə ilə çıxış edərək görkəmli dövlət və partiya xadimi Əziz Əliyevin tarixi xidmətlərindən söz açıb, onun həyat və fəaliyyəti barədə ətraflı məlumat verib.

Bildirib ki, 1897-ci il yanvarın 1-də qədim Azərbaycan torpağı olan İrəvan quberniyasının Hamamlı kəndində anadan olan professor, məşhur pedaqoq, səhiyyə və təhsil sahəsində əvəzsiz təşkilatçı, böyük alim, diplomat Əziz Əliyev ölkəmizin tarixində silinməz iz qoyub. Əziz Əliyevin həyat yolu elmi, pedaqoji, ictimai və dövlət fəaliyyəti sahələri ilə zəngin olub. Görkəmli dövlət xadimi Azərbaycanda səhiyyənin təşkili sahəsində xüsusi rol oynayıb.

Qeyd edilib ki, Əziz Əliyev Azərbaycan SSR-in xalq səhiyyə komissarı, Azərbaycan SSR Ali Sovetinin sədri, Dağıstan Vilayət Partiya komitəsinin birinci katibi, Tibb İnstitutunun və Azərbaycan Dövlət Universitetinin rektoru kimi mühüm vəzifələrdə çalışdığı dövrlərdə özünü bacarıqlı dövlət xadimi və səhiyyə sahəsində təşkilatçı kimi göstərib. Onun Dağıstanda birinci katib olduğu illər Dağıstan-Azərbaycan əlaqələrinin ən yüksək səviyyədə olduğu dövr hesab edilir. Sonrakı illərdə Əziz Əliyev Azərbaycan SSR Ali Soveti Rəyasət Heyətinin katibi olub, SSRİ Ali Sovetinin və Dağıstan Ali Sovetinin deputatı seçilib.

Bildirilib ki, görkəmli dövlət xadiminin Vətən və xalq qarşısındakı misilsiz xidmətləri yüksək qiymətləndirilib. O, bir çox orden, medal və fəxri fərmanlarla təltif edilib. Hazırda Azərbaycan Dövlət Həkimləri Təkmilləşdirmə İnstitutu, Bakıda, Naxçıvanda və Mahaçqalada küçələr və s. Əziz Əliyevin adını daşıyır.

N.Əliyev vurğulayıb ki, 2007-ci ildə Əziz Əliyevin 110 illik yubileyi münasibətilə Dağıstanda keçirilmiş yubiley tədbirlərində çıxış edən Dağıstan Respublikasının Prezidenti Muxu Əliyev ölkəsinə xidmət göstərmiş görkəmli siyasi və ictimai xadimlərin sırasında Əziz Əliyevin adının daim xüsusi hörmət və ehtiramla çəkildiyini bildirib. Qeyd olunub ki, Böyük Vətən müharibəsində Qələbə münasibətilə Dağıstan əhalisinin rəhbərinə inam və sədaqət rəmzi olaraq hədiyyə etdiyi xəncər hazırda Azərbaycan Milli Tarix Muzeyində saxlanılır.

Azərbaycan - Dağıstan əlaqələrindən söz açan N.Əliyev bildirib ki, ulu öndər Heydər Əliyevin səyləri nəticəsində xalqlarımız arasında bütün sahələrdə münasibətlər sürətlə inkişaf edib. Ümummilli Liderin diqqət və qayğısı nəticəsində hər iki respublikada tanınmış şəxslərin yubileylərinin dövlət səviyyəsində qeyd edilməsi bunun əyani göstəricisidir. Qafqaz xalqları qarşısında əvəzsiz xidmətləri olan iki dahi şəxsiyyətin - Şeyx Şamilin və Əziz Əliyevin yubileylərinin həm Azərbaycanda, həm də Dağıstanda dövlət səviyyəsində qeyd olunmasında ulu öndər Heydər Əliyevin rolu danılmazdır.

Diqqətə çatdırılıb ki, ümummilli lider Heydər Əliyevin siyasi kursunu uğurla davam etdirən Prezident İlham Əliyev də Azərbaycan və Dağıstan xalqları arasında əlaqələrin inkişafına xüsusi diqqət yetirir. Məhz bu diqqətin nəticəsidir ki, son illərdə hər iki respublika arasında müxtəlif sahələrdə əlaqələr sürətlə inkişaf edir. Dərbənd şəhərinin 2000 illik yubiley tədbirlərində Azərbaycandan nümayəndə heyətinin iştirakı, Rusiya Federasiyası Dağıstan Respublikasının rəhbəri Ramazan Abdulatipovun Mahaçqala şəhərində Əziz Əliyevin abidəsinin ucaldılmasına dair imzaladığı Sərəncam, Prezident İlham Əliyevin Sərəncamı ilə Dərbənddə mədəni obyektlərin yenidən qurulmasına vəsait ayrılması, Heydər Əliyev Fondunun dəstəyi ilə təhsil müəssisələrinin binalarının əsaslı təmiri və s. faktlar hər iki respublika arasında əlaqələrin inkişafının göstəriciləridir.

Sonra “Dərbənd” xeyriyyə cəmiyyətinin üzvləri çıxış edərək Əziz Əliyevin xalqlarımız arasındakı əlaqələrin inkişafında misilsiz xidmətlərindən danışıb, onun qayğıkeş alim, tanınmış həkim və müəllim kimi xatirəsinin daim qəlblərdə yaşayacağını bildiriblər. Çıxış edənlər Azərbaycan və Dağıstan respublikaları arasında münasibətlərin inkişafında mühüm layihələr həyata keçirən Heydər Əliyevin Fondunun və onun prezidenti, Azərbaycanın birinci xanımı Mehriban Əliyevanın rolunu xüsusi vurğulayıblar.

Milli Məclisin deputatı, Azərbaycan Milli Elmlər Akademiyasının Tarix İnstitutunun direktoru Yaqub Mahmudov rəhbərlik etdiyi elm ocağında Azərbaycanın qədim şəhəri olan Dərbəndin tarixinin öyrənilməsinə mühüm əhəmiyyət verildiyini söyləyib. Bildirilib ki, Əziz Əliyevin siyasi fəaliyyətinin Dağıstan dövrü xalqlarımız arasındakı əlaqələrin ən şanlı səhifələrini təşkil edir. Məhz Əziz Əliyevin sayəsində dağıstanlıların öz yurdlarından sürgün edilməsinin qarşısı alınıb. Əziz Əliyevin yaşadığı dövr araşdırılarkən İrəvanın qədim Azərbaycan torpağı olduğu, ermənilərin isə bu ərazilərə sonralar köçürüldüyü danılmaz faktlarla bir daha təsdiqlənir.

Azərbaycan Respublikasının millətlərarası, multikulturalizm və dini məsələlər üzrə Dövlət müşaviri xidmətinin baş məsləhətçisi Müzəffər Talıblı çıxışında bildirib ki, vətənpərvər ziyalı, dövlət xadimi, gözəl insan olan Əziz Əliyev Dağıstanda böyük imperiyanın və ermənilərin məkrli siyasətinin qarşısının alınması kimi məsul vəzifənin öhdəsindən layiqincə gəlib.

Sonra Əziz Əliyevin mənalı həyatı və çoxşaxəli siyasi fəaliyyətinə həsr olunan şəkillər nümayiş etdirilib.

Sonda cəmiyyətin üzvləri adından Rusiya Federasiyası Dağıstan Respublikasının rəhbəri Ramazan Abdulatipovun Mahaçqala şəhərində Əziz Əliyevin abidəsinin ucaldılmasına dair imzaladığı Sərəncama görə minnətdarlıq məktubu oxunub.

                                                                          Bakı, 26 dekabr, AZƏRTAC

 

 

Rusiya prezidenti Vladimir Putinin fikrincə, 2015-ci ilin ən əhəmiyyətli hadisəsi Böyük Vətən müharibəsinin 70-illiyinin qeyd olunmasıdır. Putin etiraf edib ki, qalib nəslin taleyi onu bu gün də ruhlandırır. Bu barədə V. Putin qarşıdan gələn Yeni il bayramına həsr olunan mərasimdə çıxışı zamanı deyib.

“Çox vacibdir ki, rus cəmiyyəti bu çətin zamanda həmrəylik göstərir, biz birlikdə hərəkət edirik və hər zaman öz dəyərlərimizi, milli maraqlarımızı və dövlətin təhlükəsizliyini müdafiə etməyə hazırıq”, - prezident vurğulayıb. 

 

Bu günlərdə  DR Başçısı Ramazan Abdulatipov  Mahaçqalanın  Dostluq  Evində respublika sakinlərinə  dövlət mükafatlarını təqdim etmişdir.

  Mükafatlandırma mərasimində həmçinin  DR  Xalq məclisinin Sədri Xizri Şıxsaidov,  DR Hökumətinin Sədri Abdusamad Həmidov,  DR Başçısının  Administrasiyası  və  Hökumətinin rəhbəri  Ramazan Əliyev  iştirak etmişlər. R. Abdulatipov  Dağıstan  respublikasının  inkişafında verdiyi böyük töhfəyə görə 50-dən çox respublika sakinlərinə  mükafatlar vermişdir.  

Qeyd etmək lazımdır ki, Dağıstan  respublikasının   ictimai-siyasi həyatında fəal iştirakına görə Dərbənd dünya mədəniyyətləri və  dinləri tarixi muzeyinin  direktoru Diana Həsənovaya DR Başçısının qrantını qazandığı üçün   diplom  təqdim edilmişdir.

 

                                                                                                                          Telman Tahirli

Наши контакты

ГБУ Республиканская газета " Дербент"

Республика Дагестан  г. Дербент

ул.Ленина, д. 48

тел:   4-74-33

Сайт www.derbend.ru зарегистрирован Федеральной службой по надзору в сфере связи, информационных  технологий и массовых коммуникаций.

номер свидетельства ЭЛ № ФС 77 - 70956

дата регистрации 07.09.2017

форма распространения  Сетевое издание

Территория распространения  Российская Федерация, зарубежные страны

языки - азербайджанский, русский

учредители- ГБУ РД редакция республиканской газеты " Дербент"

Настоящий ресурс может содержать материалы 12+

email:gazetaderbend@mail.ru

главный редактор Алифханов Гаджимахмуд Шамилович

JoomShaper
Яндекс.Метрика Индекс цитирования. Рейтинг@Mail.ru