Dağıstanın Baş naziri Abdulmuslim Abdulmuslimov Dağıstanda Ailə ilinin necə keçiriləcəyini söyləyərək xatırladıb ki, Dağıstanın kənd yaşayış məntəqələrində regional tədbirlər çərçivəsində ayrı-ayrı kateqoriyadan olan ailələrə torpaq sahələri və torpaq sahələrinin ayrılması şəklində dəstək göstərilir, çoxuşaqlı ailələr üçün avtomobillər ayrılır.Dağıstan hökumətinin sədri Abdulmuslim Abdulmuslimov bildirib ki, Dağıstanda Ailə ili üzrə plan layihəsinə 120-dən çox əsas tədbir daxil edilib.

Baş nazirin müavini Abdurəhman Mahmudov və regionun əmək və sosial inkişaf naziri Murad Kazıyevlə keçirilən işçi görüş çərçivəsində Rusiyada 2024-cü ildə elan edilmiş “Ailə ili”nin keçirilməsi ilə bağlı təkliflərə baxılıb.

Müvafiq işçi qrupunun planı və tərkibi fevralın 1-dək Dağıstan Respublikası Hökumətinin sərəncamı ilə təsdiq ediləcək. Dağıstanda Ailə ilinin rəsmi açılışının çoxuşaqlı ailələrin, əmək sülalələrinin və Xüsusi Hərbi Əməliyyat iştirakçılarının ailələrinin dəvəti ilə Mahaçqalada keçirilməsi planlaşdırılır.

Abdulmuslim Abdulmuslimov ailələrə, xüsusən də çoxuşaqlı ailələrə dəstək üçün bütün tədbirlərin nəzərə alınmasının vacibliyini vurğulayaraq, 2024-cü ildə ailələrə əlavə dəstək formalarının verilməsi barədə göstəriş verib.