Abdulmuslim Abdulmuslimov Dağıstanda bələdiyyə infrastrukturunun inkişafı və modernləşdirilməsi ilə bağlı müşavirə keçirib. “Dağıstanın Rusiyanın su ilə təmin olunan regionlarından biri sayılmasına baxmayaraq, respublikanın hər sakininə təxminən 8 min kubmetr su düşür.

Əhalinin təxminən 30%-i mərkəzləşdirilmiş su təchizatı sistemlərindən içməli su ilə təmin olunmur. Su təchizatı və kanalizasiya təmizləyici qurğuların çatışmazlığı səbəbindən bütün bələdiyyələrdə içməli suyun keyfiyyəti müəyyən edilmiş sanitar tələblərə cavab vermir, su obyektlərinin sanitar-epidemioloji vəziyyəti pisləşir”, — deyə Dağıstan Respublikası hökumətinin sədri qeyd edib. Abdulmuslim Abdulmuslimovun da vurğuladığı bu problemlər Dağıstan Respublikasında İnsan Hüquqları üzrə Müvəkkilinin məruzəsində də qeyd olunur.

Müzakirə üçün bütün məsul tərəflərin nümayəndələri — sənayeyə cavabdeh olan baş nazirin birinci müavini, Dağıstan Respublikasının Tikinti Nazirliyinin rəhbərliyi və başqaları dəvət olunub.