Azərbaycan xalqının ümummilli lideri Heydər Əliyevin anadan olmasının 100 illiyinə həsr olunmuş anım tədbirlərində iştirak etmək üçün Dərbənd rayonuna Azərbaycan Respublikasının nümayəndə heyəti səfər edib.
Nümayəndə heyətini Azərbaycan Respublikası təhsil nazirinin müavini İdris İsayev, Azərbaycan Dövlət İqtisad Universitetinin rektoru Ədalət Muradov, ADİU-nin Dərbənd filialının direktoru Qurban Qurbanov və digər rəsmi şəxslər təmsil ediblər.

Qonaqları Dərbənd rayonunun rəhbəri Mövsum Rəhimov qarşıladı. Onlar Cemikent kəndində abidəsinin önünə gül dəstələri qoyulmuş Heydər Əliyev adına orta ümumtəhsil məktəbində olublar. Məktəbdə Heydər Əliyev Muzeyini ziyarət etdilər, onun eksponatları ilə tanış oldular. Orada, məktəbdə Azərbaycan dili kabinetində olublar.
«Bir tarixi yaradan bir çox insan var, amma onlardan bir neçəsi insanların yadında qalır.
Heydər Əliyev tarixdə yalnız siyasi xadim kimi deyil, həm də Azərbaycan-Rusiya münasibətlərinin formalaşmasında və inkişafında böyük rol oynamış insan kimi layiqincə qalmışdır. Məhz Heydər Əliyev Rusiya ilə mehriban qonşuluq münasibətlərinin əsasını qoymuşdur. Prezident İlham Əliyev atasının müdrik siyasətini uğurla davam etdirir. Azərbaycanın nüfuzu durmadan artır və bütün bunlar böyük ruhlu unikal siyasətçinin — Heydər Əliyevin yaratdığı təməl üzərində qurulub», — deyə Mövsum Rəhimov bildirib.

İdris İsayev Heydər Əliyev haqqında bir şəxs kimi söylədiyi xoş sözlərə, onun xidmətlərinə, nailiyyətlərinə, fəaliyyətinə və Azərbaycan ilə Rusiya arasında əməkdaşlığın möhkəmləndirilməsində böyük rolu olduğuna görə təşəkkür edib.
Ən yaxşı nömrələri göstərildi: Xəzər kəndinin DŞİ 2-nin «Ocaq» uşaq xoreoqrafiya ansamblı, DR-nın əməkdar mədəniyyət işçisi Xurşidə Əmirova, DR- nın əməkdar artisti Azərbaycan Dövlət Dram Teatrının artisti Sevda Beybalayeva, Dağıstanın Dövlət «Xəzər» rəqs ansamblının solistləri Murad Talibov və Fərida Abbasova tədbirdə iştirak ediblər.
A. Məmmədova