Kumuk Teatrının konsert salonunda Yeni il ərəfəsində Rusiyanın ilk milli musiqi mükafatı olan “Mərhəmətli  əllər” mükafatının təntənəli təqdimat mərasimi keçirilib. Kimsəsiz və uşaq evlərinin uşaqlarına dəstək məqsədi daşıyan xeyriyyə layihəsi müxtəlif sahələrdən, peşələrdən, rayon və şəhərlərdən olan qayğıkeş insanları bir araya toplayıb. Onların hamısını mehribanlıq, başqalarına qayğı və şəfqət birləşdirir.

Tədbir Dağıstan Respublikasının xalq artisti Patimat Kaqirovanın ifası ilə açılıb. Sonra tədbirin təşkilatçısı və aparıcısı Dmitri Tsaur tamaşaçıları salamlayıb. O, qeyd edib ki, bu mükafat il ərzində kimsəsiz uşaqlara fəal köməklik göstərən, onların çoxu layihə sayəsində həyatda özünü tapanlara verilir. Xeyriyyəçilikdə iştirakına və yüksək ictimai fəallığa görə mükafatlar RGVK “Dağıstan” telekanalının baş direktoru Kamilla Qamzatova, Rusiya Qızıl Xaç Cəmiyyətinin Dağıstan regional bölməsinin sədri Raisa Şahsinova, Dağıstan estrada artistləri: Patimat Kagirova, Zülfiyyə , Sabrina Fayer və başqalarına verilib.

“Hər kəsi qarşıdan gələn Yeni il münasibətilə təbrik edirəm, bu il bol xoşbəxtlik, bol sevinc gətirsin. Bu səhnədə olduğum üçün çətin vəziyyətə düşmüş uşaqlara, valideynsiz qalan uşaqlara köməklik göstərən o insanlara öz minnətdarlığımı ifadə etməyə bilmərəm, sizə baş əyirik və gəlin bu xeyirxah işi birlikdə davam etdirək”, — deyə Kamilla Həmzətova bildirib.

Dmitri Tsaur öz növbəsində tədbirin qonaqlarına, sevgisini ehtiyacı olanlarla səxavətlə bölüşən böyük ürəkli insanlara təşəkkür edib.