Nalçik küçələrindən birinə Rusiya Qəhrəmanı Nurmaqomed Hacımaqomedovun adı verilib. Kabardin-Balkarda xüsusi hərbi əməliyyat zamanı xidməti vəzifələrini yerinə yetirərkən qəhrəmancasına həlak olmuş Rusiya qəhrəmanları Nurmaqomed Hacımaqomedovun və Timur Tamazovun xatirəsinin əbədiləşdirilməsi ilə bağlı təntənəli mərasimlər keçirilib. Tədbirdə KBR-nin rəhbəri Kazbek Kokov, rayon və şəhər rəhbərliyi, Nurmaqomed Hacımaqomedovun atası Engels Hacımaqomedov, uşaqların qohumları və dostları iştirak ediblər. Mərasimdə Dağıstandan olan nümayəndə heyəti də iştirak edib. Onların tərkibinə Mahaçqala merinin birinci müavini Mavlidin Melikov, Kazbekovski rayonunun rəhbəri Hacımurad Musayev, Kazbekovski rayon Deputatlar Məclisinin sədri Girisxan Girisxanov, Mahaçqala Şəhər Administrasiyasının Daxili Siyasət Şöbəsinin rəisi Ruslan Mamaev, Mahaçqala Şəhər Leputatlar Məclisinin sədri Maqomed Qamzatov. Kabardin-Balkar rəhbəri vurğulayıb ki, qəhrəmanların hər biri döyüş meydanında Vətəni müdafiə edərək şücaət göstərib, hər biri öz canı bahasına silahdaşlarını xilas edib. Mahaçqala merinin birinci müavini Mavlidin Məlikov qəhrəmancasına həlak olmuş həmvətənimizin xatirəsinin əbədiləşdirilməsinə görə Dağıstanın rəhbəri Sergey Melikov və Mahaçqala şəhərinin rəhbəri Yusup Umavov adından KBR-nin rəhbəri Kazbek Kokova minnətdarlığını bildirib. “Hərbçilərimizin qəhrəmanlığı təkcə respublikalarımızın deyil, bütün ölkəmizin gənc nəsli üçün örnəkdir. Çətin məqamda onlar mərdlik, qorxmazlıq və vətənə məhəbbət nümayiş etdiriblər-onlar əsl dağıstanlını fərqləndirən keyfiyyətlər nümayiş etdirdilər”, — Melikov vurğulayıb. Bundan sonra Nalçikin Sentralnaya küçəsi Nurmaqomed Hacımaqomedovun, Teatralnaya küçəsi isə Timur Tamazovun adını daşıyır. Qeyd olunur ki, Nurmaqomed atası Engels Hacımaqomedovun bu gün adı dəyişdirilən Mərkəzi küçədəki evində qalıb. Rusiya Qəhrəmanı adı birinciyə — 247-ci Qvardiya Hava Desant Hücumu Qafqaz kazak alayının rota komandiri, baş leytenant Nurmaqomed Hacımaqomedova 2022-ci ilin martında verilib.

A. Məmmədova