Dağıstanın rəhbəri Sergey Melikov cümə günü Karabudaxkənd rayonundakı yanacaqdoldurma məntəqəsində baş vermiş faciə ilə bağlı

federal və regional medianın jurnalistlərinin suallarını cavablandırıb.

Respublika başçısı ilk növbədə yanacaqdoldurma məntəqəsində baş vermiş partlayış nəticəsində xəsarət alanlara yardım göstəriləcəyini vurğulaıb. Belə ki, onun sözlərinə görə, həlak olanların ailələrinə 1 milyon rubl, aldıqları xəsarətlərin ağırlığından asılı olaraq zərərçəkənlərə isə 200 mindən 500 min rubla  qədər vəsait ayrılacaq.

 

Sergey Melikov onu da bildirib ki, yanacaqdoldurma məntəqəsində partlayış baş verən yerdə dağıntıların təmizlənməsi işləri davam edir. “Şamdanların yandırılmasına və bütün texniki həllərin görülməsinə baxmayaraq, gecə saatlarında yanmış konstruksiyalarda iş aparmaq çətin idi. Mütəxəssislərin sözlərinə görə, dağıntıların təmizlənməsi gün ərzində davam etdiriləcək.  Dağıntıların altından insanların tapılmayacağını istisna edə bilmərik”.

 

Dağıstan rəhbəri bildirib ki, regionda yüksək riskli obyektlərə, o cümlədən yanacaqdoldurma məntəqələrinə nəzarət gücləndirilməlidir. Onun sözlərinə görə, ötən il Qaraman kəndində baş vermiş analoji faciədən sonra bu istiqamətdə xeyli iş aparılıb. “Yüksək riskli obyektlərə, o cümlədən yanacaqdoldurma məntəqələrinə nəzarət üzrə tədbirlər kompleksi həm yoxlama-nəzarət orqanları, həm də bələdiyyələr tərəfindən daha sərt olmalıdır. Sahibkarlar ilk növbədə özlərinə artan tələblər qoymalıdırlar”, — Melikov qeyd edib.

Dünənki faciəyə qayıdan dövlət başçısı qeyd edib ki, bu yanacaqdoldurma məntəqəsində əvvəllər də qanun pozuntuları müəyyən edilib, lakin onun sözlərinə görə, onlar aradan qaldırılıb.

Dağıntıya gəlincə, Melikov yanacaqdoldurma məntəqəsinin yaxınlığında yerləşən yaşayış binalarına ziyan dəymədiyini bildirərək, qaz xidmətinin və energetiklərin vaxtında tədbir gördüyünü qeyd edib. “Qarabudaxkənd rayon icra başçısının görüş zamanı verdiyi məlumata görə, təsərrüfatlara ziyan dəyməyib. “Qeyd edim ki, bu zaman qaz-enerji şəbəkəsi müəssisələri operativ reaksiya verib, şəbəkələrə çıxışı kəsib və yanğının yaşayış sahələrinə keçməsinin qarşısını almaq üçün tədbirlər görüblər. Sergey Melikov yanacaqdoldurma məntəqəsində baş vermiş partlayışın nəticələrinin aradan qaldırılmasında fövqəladə hallar xidmətlərinin işini də müsbət qiymətləndirib. “Bütün şəhər xidmətləri yanacaqdoldurma məntəqəsindəki partlayışın nəticələrini aradan qaldırmaq üçün cəld işləyib. Yanğınsöndürənlər və təcili tibbi yardım maşınları faciə yerinə sürətlə gəliblər. Mahaçqala və Qarabudaxkənd rayonunun  könüllülərini də qeyd edəcəm ki, onlar da xidmətlərə köməklik göstəriblər”, — deyə respublika başçısı vurğulayıb.

 

Xatırladaq ki, cümə günü axşam saat 17:30 radələrində Mahaçqala ətrafı, Karabudaxkənd rayonunun Novıy Xuşet kəndində yanacaqdoldurma məntəqəsində partlayış baş verib. Rusiya Fövqəladə Hallar Nazirliyinin son məlumatına görə, faciə nəticəsində 13 nəfər (ikisi uşaq olmaqla) həlak olub, 11 nəfər yaralanıb.

Qəza yerində dağıntıların təmizlənməs işləri davam edir. İstintaq orqanları bu faktla bağlı cinayət işi üzrə araşdırma aparır.