Ötən gün “Rusiya — İslam dünyası: KazanForum” forumunun kuluarlarında “Halal standartlarına uyğun qonaqpərvərlik” mövzusunda dəyirmi masa keçirilib.
Dağıstan Respublikasının turizm və xalq bədii sənətkarlıq naziri Emin Merdanov respublikada halal turizmin inkişaf perspektivləri haqqında məruzə ilə çıxış edib. O qeyd edib ki, Dağıstan bu turizm növünün inkişafı üçün Rusiyanın perspektivli regionlarından biridir.
“Respublika ərazisində 2 milyon 500 mindən çox məscid yerləşir. Respublikanın qonaqlarını Avropanın ən böyük məscidlərindən biri — 1997-ci ildə açılmış Mahaçqala Mərkəzi Cümə məscidi və Dağıstanın qədim yaşayış məntəqələrindəki bir çox qədim ziyarətçilər də cəlb edir”, — deyə Emin Merdanov vurğulayıb.
Turizm Nazirliyinin rəhbəri qeyd edib ki, respublikanın əksər kafe və restoranlarında ibadət otaqları təchiz olunub, yeməklər halal standartına cavab verir.
Emin Merdanovun sözlərinə görə, halal turizmin inkişafında müsbət təcrübəyə malik Rusiyanın regionları qarşılıqlı fəaliyyət və əməkdaşlıq üçün perspektivlidir — bunlar Tatarıstan, Başqırdıstan, eləcə də Dağıstanın birbaşa uçuşlarının olduğu müsəlman dövlətləridir: Birləşmiş Ərəb Əmirlikləri, Türkiyə, Özbəkistan, Qırğızıstan.
“Dağıstan əməkdaşlığa açıqdır. Biz müvafiq turizm infrastrukturunun inkişafına sərmayə qoymağa hazır olan investorları cəlb etməyi və dini və ziyarət turizmi seqmentində turist qruplarının cəlb edilməsinə kömək etməyi planlaşdırırıq”.
S. Salixova