“Heydər Əliyeviç Əliyevin 100 illik yubileyində Sovet İttifaqının belə görkəmli dövlət xadimi, Azərbaycanın ümummilli lideri ilə bağlı xatirələrimi bölüşmək mənim üçün böyük şərəfdir”-Таkibat Mahmudova söhbətə belə başladı.
1996-cı ildə Azərbaycanın klassiki, şairi və mütəfəkkiri Məhəmməd Füzulinin 500 illik yubileyinin qeyd olunması ilə əlaqədar Dağıstan Respublikası Dövlət Şurasının sədri Maqomedali Maqomedoviç Maqomedovun sərəncamı ilə nümayəndə heyəti yaradıldı və mənə bu heyətə rəhbərlik etmək göstərişi verildi. Nümayəndə heyətinə Dağıstanın hörmətli və nüfuzlu şəxsləri (Həmzətov Rəsul Həmzətoviç, Kaziyev Nizami Emiroviç, Abdulhəmidova Naida Abdurəhmanovna, Asiyatilov Surakat Xavaloviç, Kurbanov Said Camaloviç, Hacıyev Stanislav Maqomedsalamoviç) daxil idilər. Sərhəddən Bakıya qədər bizi Daxili İşlər Nazirliyinin əməkdaşları müşayiət edirdi. Şəhərdə bizi Azərbaycanın dövlət və siyasi xadimləri, xüsusən də dövlət katibi Hidayət müəllim hərarətlə qarşıladı. Ertəsi gün Heydər Əliyeviç nümayəndə heyətimizi prezident iqamətgahında qəbul etdi. Bir-birimizə səmimi salamlar verdik. Belə bir əfsanəvi insanla ünsiyyət qurmaq o qədər asan oldu ki, biz dərhal özümüzü evdəki kimi hiss etdik. Sonra Heydər Əliyeviçin Füzulinin dünya və Azərbaycan mədəniyyətindəki tarixi rolundan bəhs etdiyi şadlıq evində mənə söz verildi. Mən bu hadisə münasibətilə Azərbaycan xalqını respublika rəhbərliyi adından təbrik etdim, səmimi qəbula, nümayəndə heyətinə göstərilən diqqət və qayğıya, respublikamıza xoş münasibətə görə Heydər Əliyeviçə minnətdarlığımı bildirdim. Sonra qonaqların şərəfinə ziyafət və böyük konsert təşkil olmuşdu. Bu qəbul zamanı xüsusi olaraq xatırladığım, Heydər Əliyeviçin bütün nümayəndə heyətlərinə diqqəti, istiqanlılığı və hörməti oldu, lakin bizim nümayəndə heyətinə xüsusi münasibət vurğulandı. Şübhəsiz ki, onun respublikaya lider və ümummilli lider kimi qayıdışı o dövrdə Azərbaycanda yaranmış vəziyyətə görə proqnozlaşdırıla bilən idi. Müqayisə etmək imkanım oldu, çünki mən R. G. Abdulatipovun başçılıq etdiyi Rusiya parlamentarilərindən ibarət nümayəndə heyətinin tərkibində Dağıstan Respublikası Ali Sovetinin sədr müavini kimi 1993-cü ildə qondarma Xalq Cəbhəsi tərəfindən Azərbaycanda hakimiyyətə gələn Əbülfəz Elçibəylə də görüşmüşəm. Qeyd edək ki, Heydər Əliyevin Azərbaycana gəlişi vətəndaş qarşıdurmasının dayandırılmasına böyük töhfə verdi. Heydər Əliyev kimi görkəmli şəxsiyyətin oğlunun və mühüm tarixi təşəkkül dövründə Dağıstana rəhbərlik etmiş, xatirəsi dağıstanlılar üçün də əziz olan və Dağıstanda adı əbədiləşdirilən Əziz Əliyevin nəvəsinin olması da tamamilə təbiidir.(Əziz Əliyevin adı Kaspiysk şəhərindəki tibb texnikumuna verilmiş, ona abidə qoyulmuş və Mahaçqala şəhərinin küçələrindən birinə adı verilmişdir), savadlı, ziyalı İlham Əliyev bu gün də Azərbaycana uğurla rəhbərlik edir. Əslində ona güc yox, əcdadlarının ağlı və yüksək intellekti miras qalıb. Maqomedali Maqomedoviç həmişə Heydər Əliyev haqqında böyük hörmətlə danışırdı. O, xüsusilə demişdir: “Görkəmli dövlət xadimi kimi o, Rusiya Federasiyasının tərkib hissələrinin əhəmiyyətini dərk edir və Rusiyanın tərkibində Dağıstan xalqlarının iradəsini yüksək qiymətləndirirdi. Dağıstan xalqları Heydər Əliyevə səmimi məhəbbət və böyük hörmət bəsləyirdilər”. Heydər Əliyev Azərbaycan və Rusiya və təbii ki, Dağıstan xalqlarının yaddaşında əbədi qalacaqdır.
T. Ələkpərov
