Dağıstanda “Peşəkarlıq”federal layihəsi çərçivəsində aqrar-sənaye kompleksi üçün kadrlar hazırlanır.
Ötən həftə Dağıstan Respublikası Hökumətinin sədr müavini Nəriman Əbdülmütəlibov regionda “Peşəkarlıq” Federal Layihəsinin icrası ilə bağlı müşavirə keçirib.
İclas aqrar sektorda fəaliyyət göstərən iri müəssisələrin rəhbərlərinin və aqrar-sənaye kompleksi sahəsində mütəxəssislər hazırlayan orta ixtisas müəssisələrinin nümayəndələrinin iştirakı ilə keçirilib.
İclasa başlayan Baş nazirin müavini “Peşəkarlıq” federal layihəsi və onun üstünlüklərindən danışıb.
Layihə ən çox tələb olunan peşə və ixtisaslar üzrə ixtisaslı kadrların təcrübə yönümlü hazırlanmasının yeni modelidir. Və bu layihə kolleclərdə tələbə hazırlığı şəraitinin real istehsal şəraitinə mümkün qədər yaxınlaşdırılmasına yönəldilib.
Onun həyata keçirilməsi çərçivəsində kollec və müəssisələrin iqtisadiyyatın real sektoruna inteqrasiyası məqsədi ilə təhsil və istehsalat klasterləri yaradılır.
Nəriman Əbdülmütəlibovun qeyd etdiyi kimi, bu il Dağıstanda da federal layihə həyata keçirilir. Təhsil və istehsal mərkəzlərinin (klasterlərinin) inkişafına dövlət dəstəyinin təmin edilməsi üçün federal büdcədən 100 milyon rubl subsidiya ayrılıb ki ,onun 25 milyon rublu klasterə daxil olan , iqtisadiyyatın real sektorunun nümayəndələrinin birgə maliyyələşdirilməsi üçün, eləcə də 3 milyon rubl regional büdcədən .
Bu layihə çərçivəsində respublikada “Kənd təsərrüfatı” tədris-istehsalat mərkəzi yaradılmışdır ki, onun tərkibinə 5 təhsil müəssisəsi və 5 müəssisə – “Angelina” MMC baza təşkilat-işəgötürən kimi GBU RD “Buynaksk Rayon Baytarlıq İdarəsi” , GBU RD «Mahaçqala şəhər baytarlıq idarəsi», «DARADA-MURADA» SC və «Manasaul» SPK daxildir
Dağıstan Respublikasının təhsil və elm nazirinin birinci müavini vəzifəsini icra edən Maqomed Abidov layihənin icrası barədə daha ətraflı danışıb.
Onun sözlərinə görə, layihə çərçivəsində yol xəritəsi təsdiq edilib və nəzarət məntəqələri müəyyən edilib.
Bu günədək sinif otaqlarının infrastruktur siyahıları və dizaynı hazırlanıb, razılaşdırılıb və təsdiq edilib, klasterin təchiz edilməsi üçün avadanlıq və xidmətlərin satın alınması elan edilib, eləcə də binaların təmiri və brendləşdirilməsi işləri aparılır.
Pilot layihəyə daxil olan təşkilatların nümayəndələrinə müraciət edən A.Abidov onların köməyi ilə tədris prosesinin keyfiyyətinin yüksəldilməsinin nəzərdə tutulduğunu qeyd edib.
“Biz sizinlə qarşılıqlı əlaqə mexanizmləri barədə qərar verməliyik. Məncə, hər bir kollec onunla eyni ərazidə yerləşən təşkilatlarla əməkdaşlıq etməlidir.
Müqavilənin şərtləri çərçivəsində biz klasterə 5 kollec daxil etdik. Pilot layihəyə daxil olmuş təşkilatlar bu kolleclərdə təhsil proqramlarının və kurikulumlarının hazırlanmasında iştirak etmək hüququna malikdirlər. Bütün proses işəgötürənlə sıx əməkdaşlıq şəraitində getməlidir. Biz düzgün konstruktiv əlaqələr qurmaq istəyirik”, — deyə o, yekunlaşdırıb.
Layihənin respublika üçün aktuallığını kənd təsərrüfatı və ərzaq naziri Muxtarbiy Adjekov da qeyd edib:
“Bizdə kənd təsərrüfatı sahəsində aqronomlar, kombaynçılar, mühəndislər və digər mütəxəssislər çatışmır. Bizdə kadr çatışmazlığı var, ona görə də hesab edirəm ki, layihə vaxtındadır və onun icrasına bütün məsuliyyətlə yanaşmaq lazımdır”, — deyə nazir bildirib.
Daha sonra təhsil müəssisələrinin nümayəndələri layihədə iştirakları çərçivəsində hansı işlərlə məşğul olduqlarını bildiriblər.
Baş nazirin müavini Nəriman Əbdülmətalıbov müşavirəyə yekun vuraraq vurğulayıb ki, bu qədər ixtisaslaşmış birliklərin olluğu halda , kənd təsərrüfatı məhsulları istehsalçılarını yüksək ixtisaslı mütəxəssislərlə təmin etməmək qətiyyən düzgün deyil.
“Bu il biz “Peşəkarlıq” federal layihəsinin həyata keçirildiyi 44 bölgənin siyahısına daxil olduq.Qarşımızda duran vəzifə bizim əsl üzümüzü(işimizi) göstərmək üçün işimizi keyfiyyətcə yerinə yetirmək vəzifəsi qarşısındayıq. Üstəlik, layihə bizim üçün aktualdır və bu, göz qabağındadır. Bütün kənd təsərrüfatı istehsalçılarımızın yaxşı ixtisaslaşmış mütəxəssislərə ehtiyacı var”, — deyə o, yekunlaşdırıb.
Sonda Baş nazirin müavini respublikanın Kənd Təsərrüfatı və Ərzaq və Elm Nazirliyinə təhsil təşkilatları ilə aqrar-sənaye kompleksi müəssisələri arasında qarşılıqlı əlaqənin təşkilini təmin etmək, habelə layihəyə cəlb olunan işəgötürənlərin sayının artırılması ilə bağlı tapşırıqlar verib.
