15 fevral — Sovet qoşunlarının Əfqanıstandan çıxarılması günü.

 Bu, təkcə bayram deyil, həm də Əfqanıstanda sovet qoşunlarının məhdud kontingentində iştirak etmiş əsgərlərimizin xatirəsini hörmət  və ehtiramla yad etdiyimiz bir tarixdir.

Bu tədbirlər çərçivəsində, eləcə də Böyük Vətən Müharibəsində Qələbənin 80 illiyi və “Vətən Müdafiəçisi ili” münasibətilə fevralın 14-də “Hərbi Şöhrət” Muzeyində Əfqanıstanda beynəlmiləl rəşadət və ifaçılıq nümunələri nümayiş etdirmiş Sovet İttifaqı Qəhrəmanı Abbas İsrafilovun xatirəsinə həsr olunmuş sərginin açılışı şərəfinə təşkil olunmuş dəyirmi masa keçirilib. Gənclərin vətənpərvərlik tərbiyəsi məsələsində həmyerlimizin şücaətinin əhəmiyyətini dərk edərək, Dərbənd Muzey-Qoruğu həmyerlimizin  xatirəsinin əbədiləşdirilməsi təşəbbüsü ilə çıxış edib .

Tədbiri giriş sözü ilə Dərbənd Muzey-Qoruğunun direktoru Vəliyulla Abdullayeviç Fətəliyev açıb. O, Vətəninin mənafeyini müdafiə edərək canlarından keçmiş qəhrəmanların tarixi xatirəsinin qorunub saxlanılmasının vacibliyini vurğulayıb. V.A. Fətəliyev Dərbənd rayonunun rəhbərliyinə, Abbas İsrafilovun təhsil aldığı məktəbə və Qəhrəmanın şəxsi əşyalarını muzeyə bağışlayan bacısına təşəkkür edib. Tədbirdə “Dərbənd  şəhəri” şəhər  icra hakimiyyətinin başçısı Əhməd Abuseynoviç Kuliyev, “Dərbənd rayonu” bələdiyyə  rəhbəri Mövsüm  Rəhimov və onların müavinləri, ali təhsil müəssisələrinin rəhbərləri, ictimai təşkilatların nümayəndələri, “Avanqard” hərbi-vətənpərvərlik tərbiyəsi mərkəzinin kursantları, “Birincilər Hərəkatı” uşaq və gənclərin Ümumrusiya ictimai-dövlət hərəkatının yerli bölməsinin fəalları, məktəb şagirdləri.

Tədbirin sonunda tədbir iştirakçıları Abbas İsrafilovun və döyüş yoldaşlarının abidəsi önünə gül dəstələri düzüb, beynəlmiləlçi əsgərlərin xatirəsini bir dəqiqəlik sükutla yad ediblər.