“Dərbənd” qəzetinin baş redaktoru Tərlan  Ələkbərov Rusiya prezidentinin rəhbərliyi ilə ilboyu fəaliyyət göstərən “Beş dəniz və Baykal gölü” federal kurortlarının layihəsinin hazırlanması ilə bağlı keçirilən görüşü belə şərh edib: “Dağıstanın turizmin inkişafındakı uğurları ən yüksək səviyyədə qeyd olunub.

Xəzər sahil klasterinin inkişafı üzrə irimiqyaslı layihənin həyata keçirilməsinə hazırlıq mərhələsində nailiyyətlərin artıq nümayiş etdirilməsi vacibdir, bu barədə Sergey Melikov bu gün Vladimir Putinlə danışıb.

O da vacibdir ki, turizm məkanının inkişafı baxımından respublikamıza diqqət çətin iqtisadi və siyasi şəraitdə belə səngiməsin. Bu, Rusiyanın güclü potensialından danışır, ona heç bir sanksiyalar və ya dost olmayan dövlətlərin təzyiqi təsir göstərə bilməz. Üçüncü məqam: ölkəmiz üçün daxili turizmin inkişafını tarixi proses adlandırmaq olar – biz bütün dünyaya göstəririk ki, özümüzə pul xərcləmək qat-qat sərfəlidir və tezliklə xarici təkliflərə ümumiyyətlə ehtiyac qalmayacaq. Başqa sözlə, Türkiyə sahillərinə ehtiyacımız yoxdur. Ailələr və uşaqlarla səyahət edərək ruslar çoxmillətli xalqımızın mədəniyyətini, adət-ənənələrini və tarixini öyrənirlər.

Rusiyada elə bir bölgə yoxdur ki, yeni yerləri kəşf etməyi və onun sakinlərinin həyatı ilə tanış olmağı sevənlər üçün maraqlı olmasın. Dağıstan isə bu baxımdan sadəcə çempiondur. Vladimir Putin bunu qeyd edib, Rusiya İqtisadiyyat Nazirliyinin rəhbəri Maksim Reşetnikov isə respublikanın turizm klasterinin inkişafı baxımından uğurlarını vurğulayıb. Dağıstanın rəhbəri Sergey Melikov və Abdulmuslim Abdulmuslimovun rəhbərliyi ilə Dağıstan hökumətinin komandası respublikanın bütün inkişafı sahəsində səylərini cəmləşdirir. Nəticə göz qabağındadır”.