Ən çox 100 bal toplayaraq VDİ (bahid dövlət imtahanı) zirvəsini fəth etməyi bacaran Dərbənd şəhərinin məzunlarının yüksək hazırlığını qeyd etmək olduqca xoşdur,qürurverici bir hissdir.Və biz sizə onlar haqqında danışmaq istəyirik:
Səttarzadə Səkinə Səftərovna, BBTM Dərbənd şəhər 3 saylı orta ümumtəhsil məktəbinin şagirdidir.Vahid Dövlət İmtahanında ədəbiyyatdan ən yüksək — 100 bal toplayıb.Təhsil aldığı dövr ərzində həmişə yaxşı göstəricilər nümayiş etdirən Səkinə həm də yüksək əxlaqı və tərbiyəsi ilə də seçilən şagirdlərdəndir.Öz nəzakəti,böyüklərə hörməti ilə və çalışqanlığı ilə hamınin rəğbətini qazana bilmişdir.Məktəbdə təhsil aldığı dördə çox aktiv, bilikli,yüksək intellektə sahib bir şagird olduğunu və bütün fənnlərə maraq göstərərək biliklərə asanlıqla yiyələnə bilməsini nümayiş etdirmişdir.Ən çox isə humanitar fənlərə üstünlük verən Səkinə ,artıq 10-cu sinifdən imtahana hazırlaşmağa başlamışdır.Çoxlu inşa yazıları,test tapşırıqları üzərində çalışaraq öz bilik səviyyəsini yüksəltməyə nail olmuşdur.Yalnız dərs proqramı çərçivəsində deyil, müasir və xarici ədəbiyyatla da maraqlanır və daima mütaliə edirdi.Qazandığı nailiyyətlərinə görə öz valideynlərinə və müəllimlərinə minnətdar olduğunu deyir.Müəllimləri: Arzu Nasretdinovna,Zumrud Veliyevna ,Elmira Şıxaxmedovnaya ,ona inandıqlarına və göstərdikləri kömək əsasında yüksək bal topladığını söyləyərək onlara çox minnətdar olduğunu dedi.Səkinə Səftərovna A.İ.Qersen adına Rusiya Dövlət Pedaqoji universitetinin xarici dillər fakültəsində tərcümə və tətcüməşünaslıq ixtisasına yiyələnməyi qarşısına məqsəd qoyub.
BBTM Dərbənd şəhər 19 saylı orta ümumtəhsil məktəbinin şagirdi Bedelova Saida Nizamıyevna Vahid Dövlət İmtahanında rus dili fənnindən 100 bal toplayaraq birincilər pilləsinə yüksələ bilmişdir.Təhsil aldığı 11 il ərzində Saida ağıllı,təhsili ilə ciddi məşğul olan,sinif yoldaşlarına həmişə nümunə olan və köməyini onlardan əsirgəməyən əsl şagird adına layiq bir qızdır.Məktəbdə və sinfdə aparılan bütün tədbirlərdə yaxından və aktiv iştirak edən Saida təhsil aldığı illər ərzində hamının yaddaşında çalışqan, səliqəli və elmə ,biliyə yiyələnməyə həvəs göstərən bir şagird kimi qalmışdır.
Canmirzoyev Maqomed Yunisoviç –BBTM Dərbənd şəhər 15 saylı orta ümumtəhsil məktəbinin şagirdidir.Vahid Dövlət İmtahaninda rus dili fənnindən 100 bal toplayıb.
Maqomed bütün bu illər ərzində məktəbdə mükəmməl, yəni “əla” qiymətlərlə oxumuşdur,fənn olimpiadalarının və bir çox müsabiqələrin iştirakçısı olmuşdur.Onun əsas xüsusiyyəti maraq və fədakarlıqdır.Vahid Dövlət İmtahanına hələ 10-cu sinifdən hazırlaşmağa başlayan Maqomed qaydaları təkrar öyrənər, testlər üzərində işləyər,inşa yazmaq,inşa-mülahizə üzərində çalışmaq ,bədii ədəbiyyat oxumaq – nəhayət Maqomed üçün öz bəhrəsini verdi.
Həmsöhbətimizin dediyinə əsaslansaq ,şagirdlərin çoxu vaxtından qabq tapşırıqların öhdəsindən gələrək imtahanı tərk etmişlər. Bu da onların yüksək hazırlığını bir daha təsdiqləyir.Təhsilə ciddi yanaşmaları və gələcək ixtisaslarına düzgün seçim etmələri onların belə yüksək nəticələr əldə etməsinə imkan vermişdir.
Bu ən yüksək tərifə layiq olan çox layiqli bir nəticədir.Getdikcə daha çox yeni zirvələr fəth etmələrini istəyirik.
Biz də öz növbəmizdə Vahid Dövlət İmtahanını müvəffəqiyyətlə başa vuran məzunlarımızı təbrik edir, onlara gələcəkdə nailiyyətlər arzulayırıq.
